October 23, 2020
ERMAL JAURI: GEORGE C. MARSHALL ALBANIA DHE UAMD FORUM MBI ÇËSHTJEN E KUFIRIT DETAR ME GREQINË. FLASIN EKSPERTËT E NJOHUR

Ishujt pritet të jenë pika e nxehtë për ndarjen e detit mes Shqipërisë dhe Greqisë.

Kjo temë mori vëmendje në një Forum Akademik me ekspertë të fushës të organizuar nga Qendra George Marshall Alumni Albania e drejtuar nga z. Ermal Jauri dhe Universiteti “Aleksandër Moisiu” në Durrës.

Më këtë forum prof. Osman Metalla, pedagog i shkencave Inxhinierike dhe Detarisë kërkoi që ishujt të trajtohen në bazë të të drejtës ndërkombëtare me jo më shumë se tre milje hapësirë.

Ai kërkoi që shkëmbi Barketa të mos përdoret si pjesë e cila mund të na çojë në konflikte të reja.

Osman Metalla: “Ne duhet të kemi në qëndër të vëmëndjes,për të mos lejuar përdorimin e shkëmbit, pra një shkëmb i vogël aty nuk mund të sjell një deformim të jashtëzakonshëm të vijës mesore të ndarjes të kufirit tërritorial ndërmjet Republikës së Shqipërisë she të Greqisë”.

Ish-ministri i Jashtëm, Paskal Milo e konsideron të vlefshëm faktin që çështja e detit do t’i kalojë Gjykatës së Hagës, ashtu sikundër kërkon që Shqipëria nuk duhet të flejë mbi dafina pasi e fituar do dalë pala e cila do paraqesë argumente më bindëse.

Paskal Milo: “Është zgjidhja më e mirë në rrethanat e krijuara, nuk është koha që të flihet në dafina sepse vetë Gjykata Ndërkombëtare në fund të fundit do marrë një vendim,dhe do fitojë në gjykimin e saj ajo palë e cila do të sjellë më shumë argumenta në favor të pozitës të vet “.

Ndërsa kreu i George C. Marshall Albania Albania z. Ermal Jauri deklaroi se, Shqipëria duhet të shkojë në gjykatën e Hagës e pregatitur dhe me skenarë.

Fqinjesia e mire eshte shume e rendesishme per ne por me “fqinjesi te mire” nuk duhet te nenkuptojme qe merr e ler çtë duash.
Shqiperia duhet te shkoje ne Hage e përgatitur dhe me skenare. Cili eshte skenari me i mire per Shqiperine per te cilin duhet te luftojme fort dhe cili eshte skenari pa te cilin nuk duhet te largohemi nga Haga.
Keto skenare duhet te përgatitet nga ekperte pa influenca politike por profesioniste te te gjitha fushave pasi kemi te bejme me cenim te aspekteve te sigurise kombetare.
Eshte je marreveshje qe behet nje here e pergjithmone dhe duhet te jete gjithperfahirese dhe e sakte.

Ekspertët po ashtu kërkojnë që kjo çësthje të diskutohet me të gjithë aktorët dhe institucionet vendase.

RELATED BLOGS
June 5, 2021
HENRY KISSINGER – “REFLEKTIME MBI PLANIN MARSHALL” (74
May 19, 2021
HENRY A. KISSINGER: “COVID-19” DO TA NDRYSHOJ PËRGJITHM
October 19, 2020
FORUMI AKADEMIK “MARRËVESHJA E DETIT ME GREQINË” HISTO